გერმანიის საპარლამენტო არჩევნებში ანგელა მერკელის პარტიამ გაიმარჯვა - ქრისტიან-დემოკრატიულმა პოლიტიკურმა ალიანსმა ხმათა 33% მიიღო, რაც ბოლო 70 წლის მანძილზე პარტიისთვის ყველაზე ცუდი შედეგია, თუმცა პარლამენტში ყველაზე დიდ წარმომადგენლობას მაინც აძლევს.
BBC-ის ინფორმაციით, კოალიციის წევრი სოციალ-დემოკრატები, რომელთაც 20,5% მიიღეს, ამბობენ, რომ ამ ისტორიული მარცხის შემდეგ ოპოზიციაში გადავლენ.
ნაციონალისტურმა პარტიამ „ალტერნატივა გერმანიისთვის" 12,6% მიიღო - მას მესამე ყველაზე დიდი წარმომადგენლობა ეყოლება პარლამენტში. მას შემდეგ, რაც არჩევნების შედეგები გახდა ცნობილი, პარტიის ოფისთან ბერლინში დემონსტრანტები ლტოლვილთა მხარდამჭერი ტრანსფარანტებით შეიკრიბნენ.
თავისუფალმა დემოკრატებმა 10,7% მიიღეს, „მემარცხენეებმა" - 9,2, ხოლო მწვანეებმა - 8,9.
ანგელა მერკელმა განაცხადა, რომ მთავრობა ეკონომიკურ და უსაფრთხოების გამოწვევებზე იმუშავებს და მიგრაციის გამომწვევ მიზეზებს დაუპირისპირდება.