გადაუღებელი წვიმის შედეგად, ოზურგეთში, ურეკში, ქობულეთსა და ფოთში საცხოვრებელი სახლების პირველი სართულები, სარდაფები, ეზოები და სასოფლო-სამეურნეო სავარგულები დაიტბორა. შსს-ს მაშველები წყლის ამოტუმბვის სამუშაოებს მთელი ღამის განმავლობაში აწარმოებდნენ. ამის შესახებ ინფორმაციას შსს-ს საგანგებო სიტუაციების მართვის სააგენტო ავრცელებს.
შსს-ს ინფორმაციით, საგანგებო სიტუაციების მართვის სააგენტოში დახმარების თხოვნით 23 შეტყობინება შევიდა.