უახლოეს დღეებში საქართველოში ტემპერატურა მოიმატებს და დათბება. ამის შესახებ გარემოს ეროვნული სააგენტოს ჰიდრომეტეოროლოგიური პროგნოზების სამსახურის უფროსმა, სვეტლანა ნიორაძემ „ლიბერალს“ განუცხადა.
მისი თქმით, დასავლეთ საქართველოში დღესვე გამოიდარებს, ხვალ კი დასავლეთ საქართველოს ბარში ტემპერატურა 20-25 გრადუსამდე აიწევს, აღმოსავლეთ საქართველოს ბარში - 15-20 გრადუსამდე. 6 ოქტომბერსაც უნალექო ამინდი იქნება მთელი ქვეყნის მასშტაბით, 7 ოქტომბერს კი 30 გრადუსამდე დათბება დასავლეთ საქართველოს ბარში, ხოლო აღმოსავლეთ საქართველოს ბარში - 20-25 გრადუსი იქნება.