ნობელის პრემია ქიმიაში სამმა მეცნიერმა კრიო-ელექტორნული მიკროსკოპიის შექმნისთვის მიიღო. ჟაკ დუბოშემ, იოახიმ ფრანკმა და რიჩარდ ჰენდერსონმა პირველებმა შეძლეს ბიომოლეკულების სტრუქტურის ვიზუალიზაცია და დაკვირვება ისეთ ვირუსებზე, როგორიცაა, მაგალითად ზიკას ვირუსი.
კრიო-ელექტრონული მიკროსკოპია საშუალებას იძლევა დავაკვირდეთ ბიომოლეკულებს, რომლებსაც ძალიან სწრაფად ყინავენ და ამის გამო, ბაქტერიები და ვირუსები ნატურალური ფორმებს ინარჩუნებენ. ახალი მეთოდის გამოყენებით მეციერებმა შეძლეს გაეკეთებინათ ისეთი პროცესების ვიზუალიზაცია, რომლებიც აქამდე არავის უნახავს.
ლუნდის უნივერსიტეტის პროფესორის სარა ლინსის თქმით, რომელიც შესარჩევი კომიტეტის ხელმძღვანელი იყო, გამოგონება ბიოქიმიაში რევოლუციურ ცვლილებებს გამოიწვევს. "მალე საიდუმლოებები აღარ იქნება. ჩვენ შევძლებთ თითოეულ უჯრედში ნებისმიერ მოლეკულაზე დაკვირვებას. ყველა ჩახლართული დეტალიც კი ნათელი იქნება." - თქვა ლინსმა.
ნობელის ლაურეატი მეცნიერები ახალი ტექნოლოგიით კვლევას გააგრძელებენ, მაგრამ როგორც იოახიმ ფრანკმა თქვა, ყოველდღიურ გამოყენებაში მის დანერგვას რამდენიმე წელი კიდევ დასჭირდება.