კომპანია „ალბატროსის“ თანამშრომლები აქციას მართავენ. ისინი მოითხოვენ, რომ დაცვის თანამშომლები და მონიტორინგის უფროსი  სამსახურიდან გათავისუფლდნენ.  როგორც ერთ-ერთი დასაქმებული „ლიბერალთან“ აცხადებს, აქციის მონაწილეების ნაწილი კომპანიის თანაშრომლებთან მოლაპარაკებებს მართავს. აქციას პროფკავშირებიც შეუერთდნენ. 

„ჩვენი მოთხოვნაა, რომ დაცვს თანამშრომლები გაათავისუფლონ და მოიყვანონ სახელმწიფო დაცვა, ასევე გათავისუფლდეს მონიტორინგის უფროსი, რომელმაც ბრანებები გასცა თანამშრომლების ცემაზე“,-განუცხადა კომპანიის თანამშრომელმა  „ლიბერალს“.

გუშინ კომპანია  „ალბატროსის“ თანამშრომლებმა განაცხადეს, რომ გუშინ სამსხურში მათ სცემეს. მათი თქმით, ცემის მიზეზი, ხელფასთან დაკავშირებული გაუგებრობა იყო და კომპანიაში მსგავსი შემთხვევა  4 დღის წინაც მოხდა.

„ვერ ვინძრევი, ძლივს დავდივარ" - „ალბატროსის“ თანამშრომლები ამბობენ, რომ სამსახურში სცემეს

„აგვიყვანეს. 3 თანამშრომელი დაბარებული ვიყავით უფროსთან. ხელფასზე რაღაც გაუგებრობა მოხდა, ავედით, ვილაპარაკეთ,  გამოგვიშვა. ჩვენს კუთვნილ ხელფასზე გვეუბნებოდა, თქვენ რაც გერიცხებოდათ, ის არ გეკუთვნოდათო. ბოლოს გვითხრა -  თქვენ მართლები ხართ, არაფერ შუაში ხართ, ჩემი სხვა თანამშრომლები არიან დამნაშავეო. მისი კაბინეტიდან რომ გამოვედით, 5 მეტრში დაცვა დაგვხვდა, ჩაგვიყვანეს მეორე სართულზე, ჩაგვიკეტეს კარი და გვითხრეს - ყველაფერი გაარკვიეთო? კი ყველაფერი გავარკვიეთ-მეთქი და დაგვარტყეს. გვცემეს 3 კაცს, სამმა კაცმა გვცემა. ფიზიკური დაზიანებები მაქვს, ვერ ვინძრევი, ძლივს დავდივარ. უფროსი დავიბარეთ, რომ მოსულიყო ჩვენთან და ყველაფერი აეხსნა, დამნაშავეები დაესაჯა. 3 დღე ველოდეთ, თუმცა არ შეგვხვდა“, - უთხრა „ლიბერალს“ ერთ-ერთმა დაზარალებულმა.

როგორც „ლიბერალს“ შსს-ში განუცხადეს, ცემის ფაქტზე გამოძიება სსკ-ის 126-ე მუხლით დაიწყო.