„ჩვენ იმედგაცრუებული ვართ, რომ მხარეებმა კონსენსუსს ვერ მიაღწიეს" - აშშ-ის საელჩო საქართველოში საკონსტიტუციო ცვლილებებთან დაკავშირებით განცხადებას ავრცელებს. 

„საელჩო მიიჩნევს, რომ საკონსტიტუციო ცვლილებები ქმნის ძლიერ საფუძველს ხანგრძლივი და მტკიცე რეფორმებისთვის, როდესაც ამ ცვლილებებზე საზოგადოების და პოლიტიკური პარტიების ფართო კონსენსუსი არსებობს. საელჩო იზიარებს ვენეციის კომისიის შეფასებას და მტკიცედ უჭერს მხარს კომისიის მიერ წარმოდგენილ რეკომენდაციებს. ჩვენ იმედგაცრუებული ვართ, რომ მხარეებმა კონსენსუსს ვერ მიაღწიეს," - ნათქვამია საელჩოს განცხადებაში. 

დღეს პარლამენტის რიგგარეშე სხდომაზე საპარლამენტო უმრავლესობამ საკონსტიტუციო ცვლილებებზე პრეზიდენტის ვეტო 110 ხმით დაძლია. პრეზიდენტის მოტივირებულ შენიშვნები მხოლოდ 8 პარლამენტარმა გაიზიარა. სხდომაზე 124 პარლამენტარმა გაიარა რეგისტრაცია. 

საქართველო კონსტიტუციის ახალი რედაქცია პარლამენტმა დაამტკიცა 117 ხმით, 7-ის წინააღმდეგ. პარლამენტის თავჯდომარემ დეპუტატებს ახალი კონსტიტუციის მიღება მიულოცა. 

შეგახსენებთ, რომ პრეზიდენტმა საკონსტიტუციო ცვლილებებს ხელი არ მოაწერა და პარლამენტს მოტივირებული შენიშვნებით დაუბრუნა.