სომალის დედაქალაქ მოგადიშოში ტერაქტი მოხდა. ქალაქის ცენტრში სასტუმროს შესასვლელთან აფეთქებულ სატვირთო მანქანას ერთ საათში მედინას უბანში აფეთქება მოჰყვა. ადგილობრივი პოლიციის ცნობით, ტერაქტის შედეგად დაახლოებით 230 ადამიანი დაიღუპა, ასობით კი დაშავდა. როგორც ცნობილია, ტერაქტზე პასუხისმგებლობა ჯერ არც ერთ დაჯგუფებას არ აუღია.
სომალის პრეზიდენტმა მუჰამედ აბდულაჰი ფარმააჯომ ქვეყანაში სამდღიანი გლოვა გამოაცხადა. 14 ოქტომბერს მომხდარი ტერაქტი ყველაზე მასშტაბურია მას შემდეგ, რაც სომალიში ხელისუფლებას „ალ შაბაბის“ ისლამური დაჯგუფება დაუპირისპირდა. მოგადიშოს ბოლო ათი წელია, სწორედ ისლამისტი მებრძოლები ესხმიან თავს და ვარაუდობენ, რომ შაბათს მომხდარი ტერაქტის უკანაც „ალ შაბაბის“ დაჯგუფება დგას.
ფოტო: CNN
