რესპონდენტთა უმრავლესობა, 56% მიიჩნევს, რომ თბილისი ბოლო სამი წლის განმავლობაში არასწორად ვითარდება. მათგან ნაწილი - 22%-მდე ერთმნიშვნელოვნად უარყოფითადაა განწყობილი, - „სოციალური კვლევის და ანალიზის ინსტიტუტმა“ თბილისის მოსახლეობის საჭიროების შესახებ კვლევა ჩაატარა. 

კვლევის შედეგების მიხედვით, სოციალური და ინფრასტრუქტურის სხვადასხვა სფეროს შეფასების უარყოფით ველში მოხვდა, ანუ ყველაზე პრობლემატურ სფეროებად დასახელდა:

• საყრდენი კედლები და ავარიული შენობები; 
• სოციალური დაცვა;
• ახალმშენებლობები;
• განათლების ინფრასტრუქტურა;
• გამწვანება;
• საზოგადოებრივი წესრიგი და უსაფრთხოება;

ტრანსპორტის სფერო:

ტრანსპორტის სფეროში რესპონდენტები მიუთითებენ პრობლემატურ საკითხებზე, რომლებიც უარყოფით შეფასების ველში მოხვდა:

• ტროტუარებზე მანქანების პარკირება (MEAN=2.91);
• პარკირების ადგილების რაოდენობა (MEAN=3.05);
• სატვირთო ტრაილერების ქალაქში მოძრაობა (MEAN=3.05);
• მრავალსართულიანი (მიწისქვეშა/მიწისზედა) პარკირების არსებობა (MEAN=3.18);
• „სითი პარკის" რეგულაციები (MEAN=3.36);
• ტაქსებისთვის ლიცენზიის გაცემის პრაქტიკა (MEAN=3.39);
• ე.წ. „სტაიანშიკების" არსებობა (MEAN=3.55);
• სამარშრუტო ტაქსების კომფორტულობა მგზავრებისთვის (MEAN=3.63);
• ტაქსების ტექნიკური მდგომარეობა (MEAN=3.71);
• ტრამვაის ინფრასტრუქტურა (MEAN=3.83);
• კონტროლიორების კომუნიკაცია მსგავრებთან (MEAN=3.85);
• სამარშრუტო ტაქსების ფასი (MEAN=3.89);

(შეფასება განხორციელდა 7-ქულიან სკალაზე, სადაც ქულა 1 შეესაბამება უკიდერებად უარყოფით შეფასებას, ხოლო ქულა 7 - უკიდურესად დადებით შეფასებას. სკალის ნეიტრალური პუნქტია 4);

საგზაო ინფრასტრუქტურის სფერო:

კვლევის მიხედვით, ამ სფეროში უარყოფითი შეფასების ველში მოხვდა:

• გზებზე მანქანების ნაკადი (MEAN=2.54);
• ავტომანქანების მოძრაობის დაგეგმარება (MEAN=3.16);
• ველოსიპედების ბილიკების ინფრასტრუქტურა (MEAN=3.16);
• ქუჩების ადაპტირებულობა შშმ ადამიანების საჭიროებებთან (MEAN=3.38);

რაც შეეხება სხვა სფეროებს, თბილისის მოსახლეობა უარყოფითად აფასებს ახალმშენებლობებისთვის ნებართვების გაცემის წესი (MEAN=2.69), საზოგადოებრივი ტუალეტების არსებობა/მდგომარეობა (MEAN=3.30), ახალმშენებლობების არქიტექტურული იარსახე (MEAN=3.39);

კვლევის მიხედვით, თბილისელთა უმრავლესობა, 66% საერთოდ არ არის ინფორმირებული ქალაქის 2017 წლის ბიუჯეტისა და განსახორციელებელი პროგრამების შესახებ. როცა, კარგად ინფორმირებული მხოლოდ თბილისელთა 1.9%-ია, ხოლო მეტ-ნაკლებად ინფორმირებულად თავს მიიჩნევს 13.6%.

კვლევა „სოციალური კვლევის და ანალიზის ინსტიტუტმა“ ფონდ „ღია საზოგადოება - საქართველოს“ მხარდაჭერით ჩაატარა. რესპონდენტთა შერჩევა საქართველოს 2016 წლის ამომრჩეველთა ცესკოს სიიდან მოხდა. მოსახლეობის გამოკითხვა რამდენიმე თვის განმავლობაში მიმდინარეობდა თბილისის 10 რაიონში და 3000 მოქალაქე გამოიკითხა.