საქართველოს მთავრობის განკარგულებით, თბილისის მერიას მიეცა უფლება, რომ მახათას მთაზე მშენებარე ივერიის ყოვლადწმინდა ღვთისმშობლის ხატის სახელობის ტაძრის გარშემოსავლელი რკინაბეტონის ფილის მოწყობისთვის გამარტივებული შესყიდვა გამოაცხადოს.
როგორც განკარგულებაშია აღნიშნული, აღნიშნულისთვის თბილისის მუნიციპალიტეტის 2017 წლის ბიუჯეტიდან 170 152 ლარი გამოიყოფა.
გამარტივებული შესყიდვის გამოცხადებისთვის სხვადასხვა საფუძველი არსებობს. ამ შემთხვევაში კი განკარგულებაში აღნიშნულია, რომ გამარტივებული შესყიდვის გამოცხადების მიზანს „სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარება" წარმოადგენს.
