თბილისში, ქინძმარაულის ქუჩაზე გაზგასამართი სადგური აფეთქდა. ამის შესახებ ინფორმაციას შსს-ს საგანგებო სიტუაციების მართვის სააგენტოში ადასტურებენ.
როგორც სააგენტოში აცხადებენ, აფეთქების შედეგად 3 ადამიანია დაშავებული. ისინი გადაყვანილნი არიან სტაციონარში. ადგილზე მუშაობდა სახანძრო-სამაშველო სამსახურის 5 ჯგუფი. სააგენტოს ინფორმაციით, ხანძარი ლიკვიდირებულია და ცეცხლი დიდ ფართობზე არ გავრცელებულა. დაზიანდა შენობის სახურავი და დანადგარი.