Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

ქუთაისში წვიმის შედეგად დატბორილია სკოლები, საავადმყოფოები და საცხოვრებელი სახლები

16 ოქტომბერი, 2017 14:14

გურიის რეგიონში უხვი ნალექის შედეგად დატბორილი სახლებიდან და ეზოებიდან წყლის ამოტუმბვით სამუშაოები მიმდინარეობს.

სააგენტოს ინფორმაციით, ადგილზე მობილიზებულია  შსს-ს საგანგებო სიტუაციების მართვის სააგენტოს სახანძრო-სამაშველო ჯგუფები. მეხანძრე-მაშველები ჩოხატაურის, ლანჩხუთისა და ოზურგეთის რაიონებში სტიქიისგან დაზარალებული მოსახლეობის სამაშველო ღონისძიებებს 24 საათის განმავლობაში ასრულებენ.

სააგენტოს ინფორმაციით, გადაუღებელმა წვიმამ მოსახლეობას პრობლემები შეუქმნა იმერეთშიც. ამ დროისათვის, შსს-ს გადაუდებელი დახმარების ოპერატიული მართვის ცენტრ „112“-ში აღნიშნული რეგიონიდან 300-მდე შეტყობინებაა შესული.

დატბორილია საცხოვრებელი სახლების ეზოები და სარდაფები, ასევე, საგანმანათლებლო და სამედიცინო დაწესებულებები. უხვი ნალექის შედეგად, დაიტბორა ქუთაისის 32-ე და 35-ე საჯარო სკოლების პირველი სართულები და სარდაფები. შსს-ს საგანგებო სიტუაციების მართვის სააგენტოს მეხანძრე-მაშველებმა ორივე სასწავლო დაწესებულებიდან მოსწავლეებისა და პედაგოგების ევაკუაცია დროულად განახორციელეს.

გადაუღებელი წვიმის შედეგად, ადიდდა მდინარე ოღასკურა და ქალაქ ქუთაისის დასავლეთ ნაწილი დატბორა, მათ შორის, საქართველოს პარლამენტის მიმდებარე ტერიტორია. შსს-ს სამაშველო ჯგუფები ადგილზე იმყოფებიან და წყლის ამოტუმბვით სამუშაოებს აწარმოებენ. წყლის ამოტუმბვით სამუშაოებს მიმდინარეობს 4 საავადმყოფოს ტერიტორიაზეც, სადაც დატბორილია შენობების პირველი სართულები და სარდაფები.

ფოტო აღებულია Facebook გვერდიდან - ქუთაისი. 

 

კომენტარები

ამავე რუბრიკაში

19 ივლისი
19 ივლისი

„ბაკურ სულაკაურის გამომცემლობას“ მთარგმნ ...

მთარგმნელი ქეთი ქანთარია „ბაკურ სულაკაურის გამომცემლობას“ სასამართლოში უჩივის. საქმე ეხება პოლ ოსტერის რომან ...
19 ივლისი
19 ივლისი

ზურაბიშვილი: საგამოძიებო კომისიის მუშაობ ...

„ჩემთვის ცოტა უცნაური იყო, როცა პარლამენტის საგამოძიებო კომისიის მუშაობა მიმდინარეობს, რაც არის საკმაოდ ახალი და ძ ...
19 ივლისი
19 ივლისი

ზუგდიდის რეფერალურ ჰოსპიტალში ანემიის დი ...

21 ივლისს ზუგდიდის რეფერალურ ჰოსპიტალში სხვადასხვა წარმომავლობის ანემიის დიაგნოსტიკა და ექიმთან კონსულტაცია უფასოდ ჩატარ ...
^