დაბალბიუჯეტიანი ავიაკომპანია 2018 წლის გაზაფხულიდან საქართველოში ახალ მიმართულებას დაამატებს. „ვიზეარი“ ქუთაისიდან ათენის მიმართულებით კვირაში ორჯერ, ხუთშაბათს და კვირას შეასრულებს ფრენას. პირველი რეისი ამ მიმართულებით 2018 წლის 17 მაისს შედგება და ერთი მიმართულებით ბილეთი 53.99 ლარი (19.99 ევრო) ეღირება.

„ცენტრალური და აღმოსავლეთ ევროპის უმსხვილესმა ბიუჯეტურმა ავიაკომპანიამ სულ ცოტა ხნის წინ საქართველოდან ოპერირების გაორმაგება დააანონსა. ქუთაისის აეროპორტში მეორე ხომალდის ბაზირებასთან ერთად ავიაკომპანია იწყებს პირდაპირ ფრენას ისეთ პოპულარულ მიმართულებებზე, როგორებიცაა: პრაღა (ჩეხეთი), ბარსელონა (ესპანეთი), პარიზი - ბუვე (საფრანგეთი), რომი - ფიუმიჩინო (იტალია) და ათენი (საბერძნეთი).“ - წერია ქუთაისის საერთაშორისო აეროპორტის მიერ გავრცელებულ განცხადებაში.

ათენამდე ქუთაისიდან რომში, პარიზში, ბარსელონასა და პრაღაში პირდაპირი ფრენის დაწყება „ვიზეარმა“ 6 ოქტომბერს დააანონსა.