Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

„სირიის დემოკრატიულმა ძალებმა“ რაქა „ისლამური სახელმწიფოსგან“ გაათავისუფლეს

17 ოქტომბერი, 2017 16:37

„სირიის დემოკრატიულმა ძალებმა“ ისლამისტი მებრძოლებისგან ბოლომდე გაათავისუფლეს ქალაქი რაქა. „ისლამური სახელმწიფოს“ დედაქალაქზე იერიში აშშ-ის მხარდაჭერილმა ძალებმა ივნისში დაიწყეს. ბოლო შავი, ისლამისტური დროშა ქალაქის ცენტრალურ საავადმყოფოსთან დღეს დაეშვა. სტადიონთან ერთად ეს იყო უკანასკნელი თავშესაფარი ტერორისტებისთვის, რომლებსაც „სირიის დემოკრატიულმა ძალებმა“ დანებებისთვის რამდენიმე დღე მისცეს. „ისლამური სახელმწიფოს“ წინააღმდეგ მებრძოლი კოალიციის ცნობით, რაქას ISIS-ის 3500-მდე  მებრძოლი აფარებდა თავს. მათი დიდი ნაწილი ქალაქისთვის ბრძოლაში დაიღუპა. დანებებული მებრძოლები კი, სავარაუდოდ, ქალაქ ტაბქის სასამართლოში წარდგებიან.

„ისლამური სახელმწიფო“ რაქას 2014 წლიდან აკონტროლებდა. ისლამისტების დე ფაქტო დედაქალაქი იქცა ტერორისტების ძლიერების სიმბოლოდ. აქ სიკვდილით სჯიდნენ ტყვედ ჩავარდნილ მებრძოლებსა და მშვიდობიან მოქალაქეებს, გეგმავდნენ ტერორისტულ აქტებს და ავრცელებდნენ ისლამისტურ პროპაგანდას. 2016 წლიდან „ისლამურმა სახელმწიფომ“ რღვევა დაიწყო. ერაყში მათ უკვე დაკარგეს ტალ აფარი და მოსული, რომელსაც ტერორისტები ასევე დედაქალაქად მიიჩნევდნენ. რაქის დაცემის შემდეგ კი ჯიჰადისტების ხელში, ერაყსა და სირიაში, ტერიტორიების მხოლოდ მცირე ნაწილი რჩება.

კომენტარები

ამავე რუბრიკაში

15 დეკემბერი
15 დეკემბერი

მარგველაშვილის პროტოკოლის სამსახური სტუმ ...

საქართველოს პრეზიდენტის გიორგი მარგველაშვილის პროტოკოლის სამსახური ინაუგურაციაზე სტუმრების სიის შედგენაში არ ყოფილა ...
15 დეკემბერი
15 დეკემბერი

ძველმა გვარდიამ კარგად ვიმუშავეთ და ველო ...

ზოგადად, ძველი გვარდიის ჩაჩოჩების ტენდენცია ახალი არ არის, მაგრამ არ მეგონა, ასე უცებ თუ მოხდებოდა გარდატეხა, - ამის შეს ...
15 დეკემბერი
15 დეკემბერი

შსს: დაკავებულია პირი, რომელიც ნარკოტიკი ...

შსს-მ რუსეთის მოქალაქე, 1994 წელს დაბადებული გ.ბ. ნარკოტიკული საშუალების უკანონო შეძენა-შენახვის ბრალდებით ჟინვალში დააკ ...
^