კიევში, რადას შენობასთან გამართულ აქციაზე პოლიციასა და დემონსტრანტებს შორის შეტაკება მოხდა. საქართველოს ყოფილი პრეზიდენტის პარტიის, „ახალი ძალების მოძრაობის“, „დემალიანსის“ და „ალტერნატივის" მოწყობილ აქციაზე პოლიციამ ხელკეტები და ცრელმდენი გაზი გამოიყენა. უკრაინული მედიის ცნობით, არიან დაშავებულები, მათ შორის, პოლიციელებიც. დაპირისპირება მას შემდეგ დაიწყო, რაც აქციის მონაწილეებმა უკრაინის პარლამენტის მიმდებარე ტერიტორიაზე კარვების გაშლა გადაწყვიტეს. პოლიციამ ძალის გამოყენებით სცადა მომიტინგეების უკან დახევა, თუმცა მოგვიანებით მათ კარვების გაშლა მაინც შეძლეს.

აქცია „საყოველთაო უკრაინული შეკრება დიდი პოლიტიკური რეფორმებისთვის“ 09:30 წუთზე დაიწყო. ოპოზიციური პარტიები და მათი მხარდამჭერები სადეპუტატო იმუნიტეტის მოხსნას, ანტიკორუფციული სასამართლოს შექმნას და საარჩევნო კანონმდებლობის შეცვლას მოითხოვენ. პოლიციასთან დაპირისპირების მიუხედავად, აქცია ახლაც გრძელდება.

ფოტო: Украинская правда