„ოპოზიციური პარტიები და ასევე დამოუკიდებელი კანდიდატები არ ახდენენ თავიანთი შემოსავლებისა და ხარჯების დეკლარირებას და სწორედ ეს არის დიდი სხვაობის მიზეზი“,- ამის შესახებ პარლამენტის თავმჯდომარემ, ირაკლი კობახიძემ ტელეკომპანია „იმედის“ ეთერში ისაუბრა.
„ქართული ოცნება“ თავისი ხარჯების და შემოსავლების დეკლარირებას ახდენს, ეს არის ასახული შესაბამის დეკლარაციებში, რომელიც წარედგინა აუდიტის სამსახურს. განსხვავებით ოპოზიციისგან, რომელიც მალავს თავის შემოსავლებსა და ხარჯებს. ეს არის სამწუხარო რეალობა”, - თქვა ირაკლი კობახიძემ „იმედის“ ეთერში.
აუდიტის სამსახურმა პოლიტიკური პარტიების შეწირულობების შესახებ დღეს გამოაქვეყნა ანგარიში, რომლის მიხედვითაც, „ქართულმა ოცნებამ“ 1 ივლისიდან 15 ოქტომბრის ჩათვლით 11,640,441 ლარი მიიღო.
ხოლო: „ევროპული საქართველო“ - 931,083 ლარი ; „ნაციონალური მოძრაობა“ - 108,149 ლარი; „პატრიოტთა ალიანსი“ - 63,142 ლარი; „ახალი საქართველო“ - 35,100 ლარი ; ალექსანდრე ელისაშვილი - 31,431 ლარი