21 ოქტომბერს საარჩევნო უბანზე 3 სახის ბიულეტენი გაიცემა. ამომრჩეველი პარტიას ან ბლოკს, საკრებულოს მაჟორიტარ დეპუტატს და მერს აირჩევს.
„ღია ცისფერი ბიულეტენი განკუთვნილია პროპორციული არჩევნებისთვის, რითაც ამომრჩეველი საარჩევნო პარტიას ან საარჩევნო ბლოკს აირჩევს. ვარდისფერი ბიულეტენით საკრებულოს მაჟორიტარ დეპუტატს ირჩევენ, ღია მწვანე ფერის ბიულეტენი კი განკუთვნილია თვითმმართველი ქალაქის მერის ან თვითმმართველი თემის მერის ასარჩევად”, - განაცხადა ანა მიქელაძემ.
თვითმმართველობის არჩევნები 21 ოქტომბერს გაიმართება.
