SOU ფესტივალის მიერ ორგანიზებული კონცერტი თავად ისლანდიელმა მომღერალმაც დააანონსა. „ფეისბუქზე“ ბიორკი წერს, რომ, ბოლოს და ბოლოს, თვალწარმტაც საქართველოშიც გამართავს კონცერტებს. არტისტი თავისი მსმენელისთვის ბილეთების შესაძენად პრაქტიკულ ინფორმაციას და კონცერტების განრიგსაც აქვეყნებს.

ისლანდიელი მომღერალი თბილისში ორ კონცერტს გამართავს - 31 ოქტომბერსა და 3 ნოემბერს. ამ ეტაპზე ბილეთების ფასი 200 ლარიდან იწყება და 750 ლარამდე აღწევს.

SOU ფესტივალის პრესსამსახურში განაცხადეს, რომ პროექტი მაღალბიუჯეტიანია, შესაბამისად, დაბალფასიანი ბილეთების რაოდენობა შეზღუდული იყო - „რამდენიმე ათეული“. 

ღონისძიების საინფორმაციო მხარდამჭერია Check in Georgia.