მედიაცენტრში ორგანიზაცია „მრავალეროვანი საქართველოს“ წარმომადგენელმა, ირმა ბასილაშვილმა წინასაარჩევნო გარემო შეაფასა.  „მრავალეროვანი საქართველო“ ძირითადად აკვირდება ეთნიკური უმცირესობებით დასახლებულ რეგიონებს. ორგანიზაციამ ჩაატარა წინასაარჩევნო გარემოს მონიტორინგი, სადაც, მათი თქმით, ძირითადად დარღვევები გამოიხატებოდა ადმინისტრაციული რესურსის გამოყენებაში.

„მრავალეროვანი საქართველო“ ძირითადად აკვირდება ქვემო ქართლის, შიდა ქართლის, სამცხე-ჯავახეთისა და კახეთის რეგიონებს. ეს არის ის რეგიონები, სადაც კომპაქტურად არიან დასახლებული ეთნიკური უმცირესობები. ჩვენ ვაკვირდებოდით 19 ოლქს, ჩავატარეთ წინასაარჩევნო მონიტორინგი ყველა ოლქში, მაგრამ ძირითადად დაფიქსირდა ადმინისტრაციული რესურსის გამოყენება. კონკრეტულად  დმანისში, მარნეულსა და თეთრიწყაროში.  წინასაარჩევნო მონიტორინგის შედეგები გვაძლევს იმის უფლებას, რომ ვთქვათ,  მშვიდ ვითარებაში მიმდინარეობს წინასაარჩევნო პროცესი, თუმცა არის გამონაკლისი შემთხვევები“, - განაცხადა ორგანიზაცია „მრავალეროვანი საქართველოს“ წარმომადგენელმა, ირმა ბასილაშვილმა.