თბილისის მერობის დამოუკიდებელი კანდიდატმა, ალეკო ელისაშვილმა რამდენიმე წუთის წინ ბრიფინგი გამართა და განაცხადა, რომ "ქართული ოცნება" არჩევნების გაყალბებისთვის ემზადება.
"ჩემს შტაბს აქვს ინფორმაცია, რომ გეგმავენ ჩემს კონკურენტს, კალაძეს დაუწერონ 54-58 პროცენტი პირველივე ტურში. ზუსტად ასეთი რიცხვები მომივიდა. ეს რიცხვები კალაძის შტაბიდან დირექტიული წესით გადაიგზავნება ცესკოში და ცესკო ძალიან ურცხვად მოაწერს ამას ხელს."
ელისაშვილის თქმით, ეს ყოვლად დაუშვებელია - "თბილისის მოსახლეობას ჯერ დაგვრჩა დრო, რომ ვინც არ მისულა არჩევნებზე, მივიდეს, ერთადერთი წამალი ამ გაყალბებისა და ყურით მოთრეული პროცენტებისა, არის ამომრჩეველთა აქტივობა".
"ყველას, ვინც ჯერ არ მისულა არჩევნებზე, მოვუწოდებ არ დაიზაროს და გამოიყენოს დარჩენილი დრო" - ამბობს ელისაშვილი.
