„უნდა დაველოდოთ საბოლოო შედეგებს, მაგრამ პირველადი მონაცემებით, მთავარი არის ის, რომ ჩვენმა ახლად შექმნილ პარტიას აქვს ამომრჩევლის ასეთი დიდი მხარდაჭერა და ძალიან დიდი მადლობა მათ“,- ამის შესახებ „ევროპული საქართველოს“ მერობის კანდიდატმა, ელენე ხოშტარიამ „იმედის“ ეთერში განაცხადა.
მისი შეფასებით, „ქართული ოცნების“ თბილისის ხელისუფლებაში დარჩენა ერთ-ერთი უკანგადადგმული ნაბიჯია.თუმცა ის მთავარ პასუხისმგებლობას ოპოზიციურ პარტიებს აკისრებს, რათა ბევრი ადამიანი დაარწმუნონ იმაში, რომ ქალაქის ხელისუფლება უნდა შეიცვალოს.
ელენე ხოშტარიას განცხადებით, მისთვის და მისი გუნდისთვის მთავარი ამომრჩეველთა ნდობის მოპოვებაა და ხვალიდან სწორედ ამ მიმართულებით იმუშავებენ. ხოშტარია ამბობს, რომ ის გაჩერებას არ აპირებს და ყველა თბილისელს გვერდით დაუდგება. თუმცა მისთვის მთავარი და საბოლოო ამოცანა თბილისის ხელისუფლების შეცვლა იქნება.