ცენტრალური საარჩევნო კომისიის ინფორმაციით, თბილისის მერის არჩევნებში უბნებიდან მონაცემები 100%-ით დათვლილია. წინასწარი ინფორმაციით, „ქართული ოცნების“ კანდიდატმა კახა კალაძემ ხმების 51.06% მიიღო. 

დამოუკიდებელმა კანდიდატმა, ალექსანდრე ელისაშვილმა ხმების 17.46% მიიღო, ხოლო ენმ-ის კანდიდატმა ზაალ უდუმაშვილმა 16.53% მიიღო. 

ცენტრალური საარჩევნო კომისიის მონაცემებით, ამ დროისათვის „ქართული ოცნების“ თბილისის მერობის კანდიდატმა კახა კალაძემ დედაქალაქის მასშტაბით პროცენტულად ყველაზე მეტი ხმა - კრწანისის ოლქში მიიღო - 54.66% (9252), ყველაზე ნაკლები კი - გლდანის ოლქში - 46.78% (25144).