„მე განსაკუთრებით მინდა მივულოცო კახი კალაძეს თბილისის არჩევნებში გამარჯვება. კახი კალაძე იყო ამ არჩევნების მთავარი გმირი და მან დამაჯერებელი გამარჯვება მოიპოვა პირველივე ტურში ქ. თბილსის მერის არჩევნებში. ვულოცავ კახი კალაძეს ამ ძალიან დამაჯერებელ და ღირსეულ გამარჯვებას“ - ამის შესახებ საქართველოს პარლამენტის თავმჯდომარემ ირაკლი კობახიძემ განაცხადა.
მისი განმარტებით, „როდესაც ყოველი მეორე თბილისელი, ყოველ მეორეზე მეტი მხარს გიჭერს მერის პოსტზე, ბუნებრივია ეს ნიშნავს ძალიან დამაჯერებელ და ღირსეულ გამარჯვებას“.
მისი თქმით, პარტია სწორედ ასეთ შედეგს პროგნოზირებდა.
ცენტრალური საარჩევნო კომისიის წინასწარი მონაცემებით, „ქართული ოცნების“ კანდიდატმა, კახი კალაძემ თბილისის მერის არჩევნებში ხმათა 51,06% მიიღო.
თბილისში ამომრჩევლის აქტივობა 43,4% იყო.