ცენტრალური საარჩევნო კომისიის მონაცემებით, ამომრჩეველთა აქტივობამ საქართველოს მასშტაბით  45.64% შეადგინა. თვითმმართველობის არჩევნებზე მონაწილეობა1 მლნ 569 992 ადამიანმა მიიღო.

გენდერული განაწილების მიხედვით, არჩევნებზე მისული ამომრჩევლების 39.86% ქალია  და 60.14% - კაცი.

ამომრჩეველთა ყველაზე მაღალი აქტივობა რაჭა-ლეჩხუმსა და გურიაში დაფიქსირდა.  რაჭა-ლეჩხუმი - 60.2%. გურია - 58.5%.  ამ რეგიონებშიც კაცი ამომრჩევლების აქტივობა უფრო მაღალია, ვიდრე ქალების.

ქალი ამომრჩევლების ყველაზე მაღალი აქტივობა თბილისში დაფიქსირდა ჩუღურეთის ( 57.4%), დიდუბისა (56.94%)  და ნაძალადევის რაიონში (56.09%). ხოლო რეგიონების მიხედვით, ყველაზე მეტი ქალი მივიდა არჩევნებზე გურჯაანში, სიღნაღსა და  დედოფლისწყაროს რაიონში. ასევე - ახალციხესა და ახალქალაქში.