საბურთალოს მაჟორიტარობის დამოუკიდებელი კანდიდატი ჯოზეფ ალექსანდერ სმიტი კედლებს საკუთარი საარჩევნო პლაკატებისგან ასუფთავებს.
„არჩევნები დამთავრდა, ჩემი საარჩევნო პოსტერების მოხსნა არის ჩემი მოქალაქეობრივი და პოლიტიკური ვალდებულება. მოვუწოდებ ყველა პოლიტიკურ სუბიექტს, რომ დროულად მოხსნან თავიანთი საარჩევნო პოსტერები და დავუბრუნოთ ქალაქს არჩევნებამდელი სახე“, - ამბობს სმიტი
პროფესიით ჟურნალისტმა, ჯოზეფ ალექსანდერ სმიტმა საბურთალოს მესამე ოლქში ხმების 14.04% მიიღო. ის ხმების რაოდენობის მიხედვით, საკრებულოს წევრობის კანდიდატებს შორის მესამე ადგილზეა. მხარი სულ 2702-მა ამომრჩეველმა დაუჭირა.
ამავე ოლქში ხმების 49.96% „ქართული ოცნების" კანდიდატმა, დავით ურთმელიძემ მიიღო. მას „ერთიანი ნაციონალური მოძრაობის" კანდიდატი ნინო კვიტაიშვილი მოჰყვება და ხმების 25.29% აიღო.
ჯოზეფ ალექსანდერ სმიტი საქართველოში უკვე მეხუთე წელია ცხოვრობს.