აშშ-ის ეროვნულ დემოკრატიულმა ინსტიტუტმა (NDI) აdგილობრივი თვითმმართველობის არჩევნები შეაფასა. ორგანიზაციის განცხადებით, რამდენიმე ინციდენტის მიუხედავად, მოქალაქეებმა თავისუფლად შეძლეს ხმის მიცემა. NDI მიიჩნევს, რომ წინასაარჩევნო პერიოდი არაკონკურენტული იყო.
დოკუმენტში ყურად ღება გამახვილებულია ამომრჩეველზე ზეწოლის ფაქტებზე, კომისიის წევრების არაკომპეტენტურობაზე, პოლიტიკურ სუბიექტებს შორის რესურსის გადანაწილებაზე, შემირულობების გაუმჭვირვალობასა და არჩევნებში ქალების დაბალ ჩართულობაზე
„წინასწარი ანგარიში აჩვენებს, რომ ერთი პარტია არის დომინანტურად წარმოდგენილი არჩევითი თანამდებობის ყველა რგოლზე, საქართველოში ეს პირველი შემთხვევა არ არის, ეს არის გამოწვევა დემოკრატიის განვთარებისთვის, ხელოსუფლების ლიდერებზეა დამოკიდებული ის , რომ ოპოზიცია თავისუფლად ჩაერთოს პოლიტიკურ სივრცეში და მათ უნდა უზრუნველყონ კონტროლის მექანიზმების დანერგვა“, - განაცხადა NDI-ის საქართველოს ოფისის დირექტორმა, ლორა თორნტონმა.
თორნტონის თქმით, არჩევნები ქვეყნის უმეტეს რეგიონში მშვიდ ვითარებაში გაიმართა, თუმცა NDI-ის დამკვირვებლებმა სერიოზული დარღვევის რამდენიმე შემთხვევა გამოავლინეს. მისი თქმით, პრობლემად რჩება ადმინისტრაციული რესურსის გამოყენება, ასევე ე.წ. კოორდინატორები საარჩევნო უბნებზე.
„რამდენიმე უბანზე ჩვენმა დამკვირვებლებმაც შენიშნეს (კოორდინატორები), ჩემთვის გაურკვეველია კანონიერია თუ უკანონო არჩევნების ფორმატში, მაგრამ მათმა ყოფნამ ნამდვილად შექმნა არასასიამოვნო გარემო ამომრჩევლებისთვის“, - განაცხადა ლორა თორნტონმა