„ერთიანი ნაციონალური მოძრაობის" პოლიტსაბჭოს თავმჯდომარემ, ჟურნალისტებთან საუბრისას არ დააკონკრეტა, სად გააგრძელებს საქმიანობას პარლამენტსა თუ თბილისის საკრებულოში. როგორც ნიკა მელიამ ჟურნალისტებს უთხრა, ამის შესახებ განცხადებას შესაბამის დროს გააკეთებს.
„მე ვიქნები იქ, სადაც ყველაზე მეტ დისკომფორტს შევუქმნი ბიძინა ივანიშვილს, არაფორმალურ მმართველობას და სადაც ყველაზე დიდ სარგებელს მოვუტან საზოგადოებას. ამიტომ, ეს იქნება საკრებულო თუ პარლამენტი - ამისთვის ჯერჯერობით არის დრო. როდესაც მოვა შესაბამისი დრო, ამასთან დაკავშირებით განცხადებას გავაკეთებ.“ - განაცხადა მელიამ.
მელია ამჟამად პარლამენტის წევრია და, აგრეთვე, თბილისის საკრებულოს არჩევნებში „ნაციონალური მოძრაობის" პროპორციული სიის პირველი ნომერი. ამჟამინდელი მონაცემებით, პარტიამ საკრებულოში 5 დეპუტატი შეიყვანა.