„ერთიანი ნაციონალური მოძრაობის“ პოლიტსაბჭოს სხდომაზე შეთანხმდნენ, რომ პარტია ადგილობრივი თვითმმართველობის არჩევნების მეორე ტურში მონაწილეობას არ მიიღებს. „ნაციონალური მოძრაობიდან“ „ქართული ოცნების“ კანდიდატებს მეორე ტურში ქუთაისის მერობისთვის ბრძოლაში გრიგოლ ვაშაძე და მარტვილში მამუკა დანელია უნდა დაპირისპირებოდნენ.
ქუთაისის მერობის კანდიდატმა გრიგოლ ვაშაძემ ადგილბორივი თვითმმართველობის არჩევნებში 27.03% მიიღო, ის „ქართული ოცნებიდან“ გიორგი ჭიღვარიას დაუპირისპირდებოდა, რომელსაც ხმების 48.66% ხვდა წილად. მარტვილის თვითმმართველი თემის მერობისთვის ბრძოლაში კი მამუკა დანელიამ ხმების 35.81% მოაგროვა, მისმა კონკურენტმა მმართველი პარტიიდან ალექსანდრე გრიგალავამ კი 49.76% მიიღო.