Netflix ემიზე 53-ჯერ ნომინირებულ სერიალ „ბანქოს სახლს“ მე-6 სეზონით დაასრულებს. ახალი სეზონის გადაღებები უკვე დაიწყო და მაყურებელი მას მომავალ წელს იხილავს.
სერიალში მთავარ როლს კევინ სპეისი ასრულებს. გუშინ, მას შემდეგ, რაც სპეისი მსახიობმა ენტონი რაპმა სექსუალურ შევიწროებაში დაადანაშაულა, სპეისიმ Twitter-ზე ბოდიში მოიხადა და განაცხადა, რომ გეია.
The Guardian-ს Netflix-ის სპიკერმა დაუდასტურა, რომ სერიალის დასრულების შესახებ გადაწყვეტილება რამდენიმე თვით ადრე მიიღეს და ეს არ არის სექსუალური შევიწროების შესახებ ბრალდების საპასუხოდ გადადგმული ნაბიჯი.
კევინ სპეისის შესახებ Netflix-მა და Media Rights Capital-მა განცხადებაც გაავრცელეს:
„ძალიან შეწუხებულები ვართ კევინ სპეისის შესახებ გავრცელებული ინფორმაციის გამო. ამ ამბის გავრცელების შემდეგ ბალტიმორში შევხვდით ჩვენი გუნდის წევრებს, რათა დავრწმუნებულიყავით, რომ ისინი თავს კვლავ უსაფრთხოდ გრძნობენ. შეხვედრას კევინ სპეისი არ ესწრებოდა“, - აცხადებენ სერიალის შემქმნელები.
Netflix ჰარვი ვაინშტაინთან წლებია თანამშომლობს, თუმცა მისი მხრიდან სექსუალური შევიწროების შესახებ განცხადება არასდროს გაუვრცელებია, კომპანიის წარმომადგენლები ბოლო თვის განმავლობაში ვაინშტაინის შესახებ დასმულ შეკითხვებს თავს არიდებდნენ.