თბილისის მე-6 მოწვევის საკრებულოს სხდომა უხუცესმა დეპუტატმა, „საქართველოს პატრიოტთა ალიანსის" სიით არჩეულმა ფრიდონ ინჯიამ ჩოხაში გამოწყობილმა გახსნა. რის შემდეგაც საკრებულოში დეპუტატების უფლებამოსილება ცნეს.

თბილისის საკრებულოს რეგლამენტის თანახმად, ახალი შემადგენლობის პირველი სხდომა, უფლებამოსილების ცნობის შემდეგ, როგორც წესი, ირჩევს: საკრებულოს თავმჯდომარეს; საკრებულოს თავმჯდომარის პირველ მოადგილესა და მოადგილეებს; საკრებულოს კომისიების თავმჯდომარეებს.

საკრებულოში სამი ფრაქციის ჩამოყალიბებას გეგმავს „ქართული ოცნების" სიით გასული 40 დეპუტატი - „ქართული ოცნება, „კონსერვატორები" და „მრეწველები". ასევე ფრაქციები ექნებათ „ერთიანი ნაციონალური მოძრაობას" (5 დეპუტატი) და „ევროპული საქართველოს" (3 დეპუტატი). „პატრიოტთა ალიანიდან" არჩეული 2 დეპუტატი კი ფრაქციის ჩამოყალიბებას ვერ შეძლებს, რადგან ამისთვის არანაკლებ საკრებულოს 3 წევრის გაერთიანებაა საჭირო.