„ლიბერალის" კორესპონდენტის ცნობით, თბილისის საკრებულო დედაქალაქის მთავრობისთვის ნდობის გამოცხადების საკითხს პარასკევს განიხილავს.
თბილისის მთავრობა შედგება: თბილისის მერის პირველი მოადგილის (ვიცე-მერის) და მოადგილეების, თბილისის მერიის სტრუქტურული ერთეულების ხელმძღვანელებისა და თბილისის რაიონების გამგებლებისგან. დედაქალაქის მთავრობას მერი ხელმძღვანელობს.
დღეს თბილისის საკრებულომ თავმჯდომარე და მოადგილეები აირჩია. ხვალ კი თვითმმართველობის ორგანოში კომისიებისა და ფრაქციების ხელმძღვანელებს აირჩევენ.