პერსონალურ მონაცემთა დაცვის ინსპექტორის აპარატში „ლიბერალს“ განუცხადეს, რომ ომბუდსმენის კანდიდატურაზე თამარ ქალდანს ოფიციალური შეთავაზება არ მიუღია და არც შემდგომი კონსულტაციები არ გამართულა.
საზოგადოებრივი მაუწყებელის ინფორმაციით, უჩა ნანუაშვილის შემცვლელად პერსონალურ მონაცემთა დაცვის ინსპექტორის, თამარ ქალდანის კანდიდატურაც დასახელდა, თუმცა ქალდანმა შეთავაზებაზე უარი თქვა.
პირველი არხის ინფორმაციით, საქართველოს სახალხო დამცველის თანამდებობაზე სოფო ხორგუანის კანდიდატურა განიხილება. სოფო ხორგუანის კანდიდატურაზე უკვე იმსჯელეს საქართველოს მთავრობაშიც, თუმცა საბოლოო გადაწყვეტილება არ მიუღიათ.
მოქმედ სახალხო დამცველს, უჩა ნანუაშვილს უფლებამოსილება 7 დეკემბერს ეწურება.
