საქართველოს რკინიგზელთა ახალი პროფესიული კავშირი „საქართველოს რკინიგზაში” შრომის ინსპექტირების შედეგებზე დაყრდნობით მომზადებულ შუალედურ ანგარიშს აქვეყნებს.
ჯანდაცვის მინისტრის ბრძანების პროფესიული დაავადებების ნუსხისა და იმ პროფესიული საქმიანობის ჩამონათვალის დამტკიცების შესახებ, რომელსაც თან ახლავს პროფესიული დაავადების განვითარების რისკი, გამოვლენილია ასობით პროფესიული დაავადების შემთხვევა და არსებობს ყველაზე მაღალი რისკფაქტორები შემდეგ დაავადებებზე:
• საწარმოო აეროზოლებით გამოწვეული სუნთქვის ორგანოების პროფესიული პათოლოგია;
• ფიზიკური ფაქტორებით გამოწვეული პროფესიული დაავადებები;
• ცალკეული სისტემებისა და ორგანოების დაძაბვით გამოწვეული პროფესიული დაავადებები;
• ალერგიული დაავადებები;
• კანის მწვავე და ქრონიკული დაავადებები;
• მხედველობის ორგანოს პროფესიული დაავადებები;
• ყელ-ყურ-ცხვირის დაავადებები;
• სასუნთქი გზების მტვრისმიერი პროფესიული დაავადებები;
„ინსპექტირების დეპარტამენტის მიერ „საქართველოს რკინიგზის“ ადმინისტრაციისთვის გაცემულია 1 000-ზე მეტი კონკრეტული რეკომენდაცია;
შეგახსენებთ, მხოლოდ გასულ წელს, სხვადასხვა მიზეზით, საქართველოს რკინიგზაში გარდაიცვალა 5 ხოლო დაშავდა 10-ზე მეტი რკინიგზელი;
„საქართველოს რკინიგზელთა ახალი პროფესიული კავშირი“, როგორც რკინიგზელების ნებაყოფლობითი გაერთიანება, მათივე შრომითი და სოციალური ინტერესების დამცველი და ოფიციალური წარმომადგენელი დამსაქმებელთან, აგრძელებს სიღრმისეულ მუშაობას წარმოდგენილ დოკუმენტებებზე და უახლოეს პერიოდში, პირველ რიგში სს ,,საქართველოს რკინიგზის“ ახალ მენეჯმენტს და კომპანიაში დასაქმებულ რკინიგზელებს წარმოუდგენს ვრცელ და დეტალურ ანგარიშს", - წერია პროფესიული კავშირების მიერ გავრცელებულ განცხადებაში.