თბილისის მერი, კახა კალაძე დღეს თბილისის საკრებულოს სხდომას არ დაესწრება. დღევანდელ სხდომაზე საკრებულომ მერის მიერ წარდგენილი გამგებლობისა და საქალაქო სამსახურების ხელმძღვანელობის კანდიდატები უნდა დაამტკიცოს. ოპოზიციამ თბილისის ახალი მერი სხდომაზე დასწრებაზე უარის თქმის გამო გააკრიტიკა.
კახა კალაძის თქმით, მისთვის გაუგებარია, რატომ უნდა დასწრებოდა დღევანდელ სხდომას.
„გაუგებარია, საკრებულოში რატომ უნდა მივიდე. მე ვარ ხალხის მიერ არჩეული მერი და უფლებამოსილებას უკვე შევუდექი. რაც შეეხება ქალაქის მთავრობას, კანონის შესაბამისად ვიმოქმედე, გადავუგზავნე [კანდიდატების სია] საკრებულოს. დღეს იმსჯელებენ. ალბათ, უკვე მიღებული იქნება გადაწყვეტილება, დამტკიცდება და ორშაბათიდან ჩვენ შევუდგებით მუშაობას“, – განაცხადა კახა კალაძემ.