მაია ბითაძემ, რომელიც თბილისის მერმა კახა კალაძემ თავის მოადგილედ წარადგინა, საკრებულოს სხდომაზე განაცხადა, რომ არავის უნდა ჰქონდეს მოლოდინი, რომ თბილისის ახალი მთავრობა ჯადოსნურ ჯოხს დაიკავებს და ერთი ხელის მოსმით არცერთი ხე არ მოიჭრება.
„გამოწვევები გვექნება კერძო საკუთრებასა და გარემოს დაცვის საკითხებს შორის, არავის უნდა ჰქონდეს მოლოდინი, რომ ჩვენ ჯადოსნურ ჯოხს დავიკავებთ და ერთი ხელის მოსმით არც ერთი ხე არ მოიჭრება. გპირდებით, რომ მაქსიმალურად შევეცდებით საკომპენსაციო ფონდები, რომელიც აპრობირებულია მსოფლიოში და ასოცირების ხელშეკრულება ითვალისწინებს, სამართლებრივი ბაზის წესრიგში მოყვანაზე მივმართოთ. თითოეული მოჭრილი ხიდან, რომელიც გადარგვას არ ექვემდებარება, ამოღებული თანხა მიემართება სწორედ კომპენსაციის და შემარბილებელი ღონისძიებების განსახორციელებლად”, - განაცხადა მაია ბითაძემ.