„მოსალოდნელმა ძლიერმა ნალექებმა შესაძლებელია მეწყრულ-ღვარცოფული პროცესების ჩასახვა-გააქტიურება და მაღალმთიან ზონაში თოვლის ზვავების ფორმირება გამოიწვიოს“,- აღნიშულია სააგნეტოს მიერ გავრცელებულ ინფორმაციაში.
გარემოს ეროვნული სააგენტოს ინფორმაციით, 21 ნოემბრიდან მოსალოდნელია ჰაერის ტემპერატურის მნიშვნელოვანი დაკლება და წვიმა, ხოლო მთაში - თოვლი. ამასთან, მოსალოდნელია დასავლეთის მიმართულების ძლიერი ქარი, მაღალმთიან ზონაში კი, ქარბუქი. სააგენტოს პროგნოზის თანახმად, ზღვაზე შესაძლოა, 4–6-ბალიანი შტორმი იყოს.
გარემოს ეროვნული სააგენტოს განმარტებით, ამის მიზეზი 21 ნოემბერს დღის ბოლოდან 24 ნოემბრამდე საქართველოს ტერიტორიაზე შავი ზღვის ჩრდილო-დასავლეთიდან ცივი და ნოტიო ჰაერის მასების გავრცელებაა.
