გლდანის გამგეობა რაიონის ტერიტორიაზე მცხოვრები სოციალურად დაუცველი და შეჭირვებული მოქალაქეებისთვის 54 000 ლარის შეშას ყიდულობს. როგორც სახელმწიფო შესყიდვების სააგენტოს ვებგვერდზე გამოქვეყნებულ ინფორმაციაში ვკითხულობთ, მომწოდებელმა საწვავად გამოსადეგი შეშა 300 ოჯახს უნდა მიუტანოს.
დღეს გამარტივებული ტენდერის გზით, სოციალურად შეჭირვებული 400 ოჯახისთვის საწვავი შეშა ისნის რაიონის გამგეობამაც შეისყიდა და ამაში 80 000 ლარი გადაიხადა.