„ქუთაისი პოსტის“ ინფორმაციით, თერჯოლის საკრებულოს ახალი შემადგენლობა სხდომის დაწყებამდე მოძღვარმა დალოცა.
საკრებულოს თავმჯდომარე, ნინო ჯანელიძე „ქუთაისი პოსტთან“ საუბარში განმარტავს, რომ დეპუტატების დალოცვა პირველად, მათივე სურვილით, მოხდა.
„ეს იყო შინაგანი სურვილი, მოთხოვნილება და არა სხვა რამეებზე გათვლილი. გვინდა, რომ დალოცვილები შევუდგეთ საკრებულოს სრული შემადგენლობა საქმიანობას. რაიმე სხვა ქვეტექსტი, ბუნებრივია, ამაში არ ყოფილა. ეს ჩვენი სულიერებიდან გამომდინარე იყო ჩვენი სურვილი," - განმარტავს ნინო ჯანელიძე.
თერჯოლის საკრებულოში 35 დეპუტატია. 29 „ქართული ოცნების" წარმომადგენელია, 4 დეპუტატი „ევროპულ საქართველოს", ერთი „ნაციონალურ მოძრაობას" და ერთიც „პატრიოტთა ალიანსს" ჰყავს.
ფოტო: „ქუთაისი პოსტი“
