Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

ექიმი: სპეცოპერაციის შედეგად დაჭრილი სპეცრაზმელის ჯანმრთელობის მდგომარეობა კრიტიკულია

22 ნოემბერი, 2017 12:53

სპეცოპერაციის შედეგად დაჭრილი სპეცრაზმელის ჯანმრთელობის მდგომარეობა კრიტიკულია. ამის შესახებ ჟურნალისტებს ინგოროყვას კლინიკის ექიმმა განუცხადა. მისი თქმით, პაციენტი ქალა ტვინის მძიმე დაზიანება ჰქონდა, ჩაუტარდა ოპერაცია და რეანიმაციულ განყოფილებაში იმყოფება. 

თბილისში, გაბრიელ სალოსის ქუჩაზე სპეცოპერაცია, რომელსაც სახელმწიფო უსაფრთხოების სამსახური ატარებს, ამ დრომდე მიმდინარეობს. 

სპეცოპერაცია გუშინ გვიან ღამით დაიწყო. ისმოდა სროლის და აფეთქების ხმა. კორპუსიდან, სადაც ოპერაცია ტარდება, მოსახლეობა გაიყვანეს. კორპუსთან მობილიზებულია სპეცრაზმის დამატებითი ძალები და სასწრაფო სამედიცინო დახმარების რამდენიმე ბრიგადა. 

არსებული ინფორმაციით, სპეცრაზმი ორი პირის აყვანას ცდილობს. სახელმწიფო უსაფრთხოების სამსახურის  ინფორმაციით, სპეცოპერაციას კონტრტერორისტული დეპარტამენტი ატარებს. პირებმა, რომელთა დაკავების ოპერაციაც მიმდინარეობს, სპეციალური დანაყოფის მიმართულებით ცეცხლი გახსნეს. ამ დროისთვის ისინი ერთ-ერთ საცხოვრებელ ბინაში იმყოფებიან. სუს-ის ინფორმაციით, სპეცოპერაციის ადგილის მიმდებარე ტერიტორიაზე მცხოვრები მოსახლეობის უსაფრთხოება დაცულია. 

სახელმწიფო უსაფრთხოების სამსახურის ინფორმაციით, კონტრტერორისტული დეპარტამენტის მიერ, თბილისში, ბერი გაბრიელ სალოსის გამზირზე სპეცოპერაციის შედეგად, დაკავებულია ერთი პირი, ხოლო დანარჩენი პირების დასაკავებლად მიმდინარეობს სპეციალური ოპერაცია. 

სუს-ის ინფორმაციით, აღნიშნული პირები არ არიან საქართველოს მოქალაქეები და არიან ტერორისტული ორგანიზაციის წევრები.

კომენტარები

ამავე რუბრიკაში

19 ივლისი
19 ივლისი

ზურაბიშვილი: საგამოძიებო კომისიის მუშაობ ...

„ჩემთვის ცოტა უცნაური იყო, როცა პარლამენტის საგამოძიებო კომისიის მუშაობა მიმდინარეობს, რაც არის საკმაოდ ახალი და ძ ...
19 ივლისი
19 ივლისი

ზუგდიდის რეფერალურ ჰოსპიტალში ანემიის დი ...

21 ივლისს ზუგდიდის რეფერალურ ჰოსპიტალში სხვადასხვა წარმომავლობის ანემიის დიაგნოსტიკა და ექიმთან კონსულტაცია უფასოდ ჩატარ ...
19 ივლისი
19 ივლისი

ისრაელს ებრაელთა ეროვნული სახელმწიფო ეწო ...

ისრაელის საკანონმდებლო ორგანოში მწვავე დებატების შემდეგ საკამათო კანონი მიიღეს. ამიერიდან ისრაელი ებრაელთა ეროვნულ სახელ ...
^