„მე თავი უღირსად მიმაჩნია ამ მსახურებისთვის“,-ამის შესახებ მიტროპოლიტმა შიომ ჟურნალისტებთან განაცხადა.
„მისმა უწმინდესობამ ისეთი დიდი პატივი მარგუნა წილად, რომ ვღელავ, რამეთუ ეს უდიდესი ჯვარია. იმედი მაქვს ღვთის მადლის, შეწევნის, წმინდა გიორგის მფარველობის და მისი უწმინდესის მამობრივი ხელმძღვანელობის, მისი ლოცვა-კურთხევის. მე თავი მიმაჩნია უღირსად ამ მსახურებისთვის“, - განაცხადა მიტროპოლიტმა.
ილია მეორემ სრულიად საქართველოს კათოლიკოს პატრიარქის მოსაყდრედ მიტროპოლიტი შიო მუჯირი დაასახელა.
პატრიარქმა აღნიშნულის შესახებ ბრძანება ქაშვეთში გიორგობისადმი მიძღვნილი საზეიმო წირვის დაწყების წინ წაიკითხა.
„მინდა, წაგიკითხოთ ბრძანება, რომელიც დღეს დაიწერა. სრულიად საქართველოს კათოლიკოს-პატრიარქის მოსაყრდედ დადგენილია მიტროპოლიტი მაღალყოვლადუსამღვდელოესობა, სენაკისა და ჩხოროწყუს მიტროპოლიტი შიო (მუჯირი)“.
