Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

დისკრიმინაციული მოპყრობისთვის იუსტიციის უმაღლესი საბჭოს წინააღმდეგ სარჩელის განხილვა იწყება

06 დეკემბერი, 2017 18:30

არასამთავრობო ორგანიზაცია EMC-ის ინფორმაციით, მიმდინარე წლის, 7 დეკემბერს, თბილისის საქალაქო სასამართლოს ადმინისტრაციულ საქმეთა კოლეგიაში, საქართველოს იუსტიციის უმაღლესი საბჭოს წინააღმდეგ სარჩელის არსებითი განხილვა იწყება.

როგორც განცხადებაშია აღნიშნული, პროცესზე „ადამიანის უფლებების სწავლებისა და მონიტორინგის ცენტრი“ (EMC) წარმოადგენს ყოფილი მოსამართლის ინტერესებს, რომელსაც მხარს უჭერს კოალიცია „დამოუკიდებელი და გამჭვირვალე მართლმსაჯულებისთვის“. EMC მოითხოვს საბჭოს მხრიდან დისკრიმინაციული მოპყრობის დადგენას და მორალური ზიანის ანაზღაურებას. 

„საქართველოს მოსამართლეთა ერთობის“ თავმჯდომარემ, მაია ბაქრაძემ, სამოსამართლო უფლებამოსილების ამოწურვის შემდეგ, მონაწილეობა მიიღო მოსამართლეთა შესარჩევ ორ კონკურსში, თუმცა, მიუხედავად იმისა, რომ ის აკმაყოფილებდა კანონმდებლობით მოსამართლეობისათვის დადგენილ ყველა კრიტერიუმს, იუსტიციის უმაღლესი საბჭოს გადაწყვეტილებით თანამდებობაზე ვერ დაინიშნა.

მაია ბაქრაძის მიმართ განსხვავებული მოპყრობა მისი შეხედულებების, სასამართლო სისტემისადმი კრიტიკული დამოკიდებულებით და „მოსამართლეთა ერთობის“ თავმჯდომარეობით არის განპირობებული“,-ნათქვამია განცხადებაში. 

EMC იმედოვნებს, რომ იუსტიციის უმაღლესი საბჭოს წინააღმდეგ დავის განხილვის სირთულის გათვალისწინებით, სასამართლო პროცესს წარმართავს ობიექტურად, მიუკერძოებლად და საქმისათვის მნიშვნელოვანი ყველა გარემოება სრულყოფილად იქნება გამოკვლეული.

კომენტარები

ამავე რუბრიკაში

21 თებერვალი
21 თებერვალი

საქართველოს რაგბის ნაკრები ფრანგ "ბარბარ ...

31 მაისს დინამო არენაზე ბორჯღალოსნები ფრანგ ბარბაროსებს დაუპირისპირდებიან (French Barbarian, Barbarian Rugby Club). ეს ი ...
21 თებერვალი
21 თებერვალი

შიდა ქართლში 50 მგვტ სიმძლავრის ქარის ელ ...

თურქული ენერგეტიკული ჰოლდინგი „ჩალიკ ენერჯი“ შიდა ქართლში 50 მგვტ სიმძლავრის ქარის ელექტროსადგურს ააშენებს დ ...
20 თებერვალი
20 თებერვალი

საქართველოში გვარის შეცვლის წესი მკაცრდე ...

საქართველოში გვარის შეცვლის წესი მკაცრდება - შესაბამისი საკანონმდებლო ცვლილებების პროექტზე მუშაობა იუსტიციის სამინისტრომ ...
^