Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

გიორგი გახარიამ 2000 წელს პრეზიდენტ პუტინის ბრძანებულებით, რუსეთის მოქალაქეობა მიიღო

07 დეკემბერი, 2017 13:06

რუსეთის პრეზიდენტის, ვლადიმირ პუტინის ბრძანებულება #1428 - საქართველოს ამჟამინდელმა შინაგან საქმეთა მინისტრმა, გიორგი გახარიამ, ამ ბრძანებულების საფუძველზე, რუსეთის ფედერაციის მოქალაქეობა მიიღო.

ბრძანებულება, რომელიც „ლიბერალმა“ მოიძია, რუსეთის ფედერაციის მოქალაქეობის მიმღებ პირთა სიას განსაზღვრავს, ჩამონათვალში კი გიორგი გახარიას სახელი და გვარი გვხვდება, სადაც იგივე მამის სახელი და  დაბადების წელია მითითებული, რაც გიორგი გახარიას მიერ შევსებულ ქონებრივ დეკლარაციებში გვხვდება [189. Гахария Георгий Зауриевич, родившийся в 1975 году в Грузии, проживающий в Ивановской области].

ბრძანებულება 2000 წლის 5 აგვისტოთი თარიღდება და რუსეთის პრეზიდენტის ოფიციალურ ვებგვერდზეა განთავსებული.

არის თუ არა გიორგი გახარია ამჟამად რუსეთის მოქალაქე ან აქვს თუ არა ორმაგი მოქალაქეობა, - ამ კითხვით „ლიბერალმა“ შინაგან საქმეთა სამინისტროს 4 დეკემბერს მიმართა.

იმ შემთხვევაში, თუ გიორგი გახარია ამჟამად აღარ არის რუსეთის მოქალაქე, უწყებას ვთხოვეთ, წარმოედგინათ დოკუმენტაცია, რითაც დადასტურდებოდა, რომ ის ამჟამად აღარ არის რუსეთის მოქალაქე.

მიუხედავად ჩვენი არაერთი სატელეფონო საუბრისა და მცდელობისა, სამინისტროსგან შეკითხვებზე პასუხი ამ დრომდე არ მიგვიღია. უწყების პრესსამსახურში 3 დღის განმავლობაში გვპასუხობენ, რომ „პასუხებს ელოდებიან“.

რაც შეეხება გიორგი გახარიას საჯარო განცხადებებს, მინისტრმა მოქალაქეობის საკითხზე დასმულ შეკითხვას დღეს ბრიფინგზე უპასუხა, რომლის ამსახველ ვიდეოს „პრაიმტაიმი" ავრცელებს.

მან „TV პირველის“ ეთერითაც უარყო ინფორმაცია ორმაგ მოქალაქეობაზე და აღნიშნა, რომ არის მხოლოდ და მხოლოდ საქართველოს მოქალაქე. თუმცა ამის დამადასტურებელ დოკუმენტაციას შსს ამ დრომდე არ გვაწვდის.

კომენტარები

ამავე რუბრიკაში

18 დეკემბერი
18 დეკემბერი

სალაძე: 2018-ში სახელმწიფო გაცილებით ნაკ ...

საქართველოს ახალგაზრდა იურისტთა ასოციაციის თავმჯდომარის სულხან სალაძის განცხადებით, საზოგადოებრივი მაუწყებლისთვის კ ...
18 დეკემბერი
18 დეკემბერი

ქებურიას ადვოკატი: ეს კლასიკური მაგალითი ...

თბილისის პროკურატურამ „ბირჟა მაფიის“ წევრის, გიორგი ქებურიას წინააღმდეგ სისსხლის სამართლებრივი დევნა შე ...
18 დეკემბერი
18 დეკემბერი

გიორგი ქებურია: როგორ იქნა, გამოძიებამ დ ...

ჯგუფ „ბირჟა მაფიის" წევრი, რეპერი გიორგი ქებურია ამბობს, რომ, როგორც იქნა, გამოძიებამ დაადასტურა მისი უდანაშა ...
^