თბილისის მერიის ზედამხედველობის საქალაქო სამსახური ქეთევან წამებულის გამზირზე სამშენებლო ობიექტზე მუშის გარდაცვალების ფაქტის გამო სამშენებლო ობიექტს შეისწავლის. ამის შესახებ ინფორმაციას თბილისის მერია ავცრელებს.
ქეთევან წამებულის გამზირზე, სასტუმრო „მეტეხის“ ეზოში სარემონტო სამუშაოების დროს ერთი მუშა დაიღუპა, ერთი კი მოტეხილობებით საავადმყოფოში გადაიყვანეს.
სამშენებლო სამუშაოებს შპს „დეკო“ აწარმოებს. წინასწარი ინფორმაციით, სატვირთო ამწე, რომელიც საქარგილე კოჭებს გადააადგილებდა, ამოყირავდა.
მერიის ინფორმაციით, აღნიშნულ ფაქტთან დაკავშირებით დაწყებულია გამოძიება და შემთხვევის გამომწვევ მიზეზებს შესაბამისი სამსახურები დაადგენენ.