კენტუკის შტატის კონგრესმენმა, დენ ჯონსონმა, რომელსაც არასრულწლოვანი გოგონას სექსუალურ შევიწროებაში ადანაშაულებდნენ, თავი მოიკლა. სუიციდამდე ერთი დღით ადრე მან ბრალდებები უარყო.
„რესპუბლიკელმა" კონგრესმენმა ვაშინგტონში, დასახლებიდან შორს, ლუიზვილის სამხრეთით გააჩერა ავტომობილი და მანქანის წინ ცეცხლსასროლი იარაღით მოიკლა თავი.
თვითმკვლელობამდე ცოტა ხნით ადრე ჯონსონმა Facebook-ის საკუთარ გვერდზე ყველა ბრალდება უარყო და ოჯახს მიმართა, რომ რთულ მომენტებში მისი ცოლის გვერდით მდგარიყვნენ. შეშფოთებულმა ახლობლებმა პოლიციას მიმართეს, თუმცა ჯონსონის გადარჩენა ვერ მოასწრეს.
დენ ჯონსონს 2013 წელს ნიუ იორკში გამართული საახალწლო ღონისძიების დროს სექსუალურ შევიწროებაში დასდო ბრალი გოგომ, რომელიც მაშინ 17 წლის იყო. სავარაუდო მსხვერპლის მარანდა რიჩმონდის განცხადებით, მთვრალმა დენ ჯონსონმა, რომელიც მაშინ პასტორი იყო, აკოცა და ტანსაცმლის ქვეშ ხელი შეუცურა. რიჩმონდმა ამის შესახებ 2013 წლის აპრილში პოლიციასაც განუცხადა, თუმცა სამართალდამცველებმა საქმე ბოლომდე არ გამოიძიეს.
წყარო: CNN