კიევის ცენტრში აქცია დასრულდა. მსვლელობა სახელწოდებით „იმპიჩმენტის მარში“ შევჩენკოს მოედანზე დაიწყო. აქცია რამდენიმე საათიის განმავლობაში მიმდინარეობდა.
მას შემდეგ, რაც დემონსტრაციაზე მიხეილ სააკაშვილმა კულტურისა და ხელოვნების საერთაშორისო ცენტრი საკოორდინაციო საბჭოს შტაბად დაასახელა, მომიტინგეებმა ცენტრში შესვლა სცადეს. თუმცა ეროვნულმა გვარდიამ მათ ამის უფლება არ მისცა. მათ შორის ფიზიკური დაპირისპირებაც მოხდა და სამართალდამცველებმა აქციის მონაწილეთა წინააღმდეგ ცეცხლმაქრები გამოიყენეს.
მათ საქართველოს ყოფილმა პრეზიდენტმა მიმართა და ადგილის დატოვება სთხოვა.
„მცდელობა იყო პროვოკაციის და ძალადობის და ჩვენი გზა არ არის ძალადობრივი. არ შეიძლება ძალადობის დაშვება. ამიტომ მე ხალხს მოვუწოდე, რომ წამოვსულიყავით იქიდან და ვუთხარი, რომ არასოდეს ჩვენ არანაირ შეტაკებაში მონაწილეობას არ ვიღებთ და წერტილი. ეს არის ძალიან მნიშვნელოვანი. ეს არის ჩემი პრინციპი," - განაცხადა მიხეილ სააკაშვილმა.
