თბილისის პროკურატურამ „ბირჟა მაფიის“ წევრის, გიორგი ქებურიას წინააღმდეგ სისხლის სამართლებრივი დევნა შეწყვიტა. ამის შესახებ გიორგი ქებურიას ადვოკატი გაგი მოსიაშვილი ამ წუთებში ჟურნალისტებთან საუბრობს.
პროკურატურა ქებურიას 2,3342 გრამი MDMA-ის შეძენა-შენახვას ედავებოდა. გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობდა. ბრალის დამტკიცების შემთხვევაში "ბიჟა მაფიის" წევრებს 8-დან 20 წლამდე ან უვადო თავისუფლების აღკვეთა ემუქრებოდათ.
გიორგი ქებურია ჯგუფის კიდევ ერთ წევრთან, რეპერ მიშკა მგალობლიშვილთან ერთად, 7 ივნისს დააკავეს.
„ბირჟა მაფიის“ წევრები 7 ივნისს, კლიპის - „Tsl Shavi Zeda-ს" გამოქვეყნების შემდეგ დააკავეს.
