ჯგუფ „ბირჟა მაფიის" წევრი, რეპერი გიორგი ქებურია ამბობს, რომ, როგორც იქნა, გამოძიებამ დაადასტურა მისი უდანაშაულობა.
თბილისის პროკურატურამ „ბირჟა მაფიის“ წევრის, გიორგი ქებურიას წინააღმდეგ საქმის წარმოება შეწყვიტა. ადვოკატის თქმით, დანაშაულის ნიშნების არარსებობის გამო გამოძიება შეწყდა.
გიორგი ქებურია იმედს გამოთქვამს, რომ ჯგუფის მეორე წევრის, მიშკა მგალობლიშვილის შემთხვევაშიც ასეთი შედეგი დადგება. მან კიდევ ერთხელ აღნიშნა, რომ მისი დაკავება ჯგუფის კლიპს უკავშირდება. გიორგი ქებურიამ მადლობა გადაუხადა ადამიანებს გვერდში დგომისთვის.
პროკურატურა ქებურიას 2,3342 გრამი MDMA-ის შეძენა-შენახვას ედავებოდა. გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობდა. ბრალის დამტკიცების შემთხვევაში „ბიჟა მაფიის" წევრებს 8-დან 20 წლამდე ან უვადო თავისუფლების აღკვეთა ემუქრებოდათ.
