ბათუმში სამშენებლო ობიექტიდან ტექნიკის შესამოწმებლად მიწვეული ექსპერტი ჩამოვარდა. ამის შესახებ ინფორმაციას „რუსთავი 2“ ავრცელებს. შემთხვევა გუშინ მოხდა.
მათივე ცნობით, სასწრაფო დახმარების ბრიგადამ მამაკაცი თავის ტრავმით რეფერალურ საავადმყოფოში გადაიყვანა. ექიმის ინფორმაციით, პაციენტი რეანიმაციულ განყოფილებაში იმყოფება. მისი ჯანმრთელობის მდგომარეობა მძიმე, თუმცა სტაბილურია.
როგორც „ლიბერალს“ შსს-ში განუცხადეს, მომხდარზე გამოძიება სსკ-ის 240-ე მუხლით მიმდინარეობს, რაც სამშენებლო უსაფრთხოების წესების დარღვევას გულისხმობს.