თავდაცვის ყოფილი მინისტრი დავით კეზერაშვილი თბილისის საქალაქო სასამართლომ კიდევ ერთ ბრალდებაში გაამართლა. ბიზნესმენებისთვის ქონების ჩამორთმევის საქმეზე მოსამართლემ მიიჩნია, რომ პროკურატურის მიერ წარდგენილი მტკიცებულებები არ იყო საკმარისი კეზერაშვილის ბრალეულობის დასადასტურებლად.
პროკურატურა დავით კეზერაშვილს ბიზნესმენების თამაზ და ზურაბ ნიჟარაძეებისთვის ქონების უკანონოდ ჩამორთმევას ედავებოდა. გამოძიების ინფორმაციით, 2010 წლის აგვისტოში საქართველოს თავდაცვის ყოფილმა მინისტრმა, დავით კეზერაშვილმა გადაწყვიტა, გაეფართოებინა თავისი ბიზნესგავლენის სფეროები და ხელში ჩაეგდო ფოთის პორტში ნავთობპროდუქტებისა და მშრალი ტვირთის გადამუშავებასთან დაკავშირებული ბიზნესი. პროკურატურის ცნობით, რამდენიმედღიანი ფსიქოლოგიური ზეწოლისა და ძალადობის შემდეგ, ნიჟარაძეებმა კეზერაშვილს ქონება გადაუფორმეს.
დავით კეზერაშვილი დღეისთვის არც ერთ საქმეზე არ არის მსჯავრდებული