აზერბაიჯანელ ჟურნალისტს, აფგან მუხთარლის აზერბაიჯანულმა სასამართლომ 6 წლით თავისუფლების აღკვეთა მიუსაჯა. ინფორმაციას მოსამართლის განაჩენის შესახებ აზერბაიჯანელი აქტივისტი ხაჯიდა ისმაილოვა თავის ფეისბუქგვერდზე ავრცელებს.
აზერბაიჯანელი ჟურნალისტი აფგან მუხთარლი, 29 მაისს თბილისიდან გაუჩინარდა. მეორე დღეს გაირკვა, რომ ის ბაქოში ჰყავდათ დაკავებული.
მუხთარლის თქმით, ის თბილისიდან კრიმინალური პოლიციის ფორმაში ჩაცმულმა ადამიანებმა გაიტაცეს.
აფგან მუხთარლისა და ლეილა მუსტაფაევას საქმეს საქართველოსა და აზერბაიჯანის წინააღმდეგ ევროპის ადამიანის უფლებათა სასამართლოც განიხილავს. სასამართლომ საქმეს პრიორიტეტიც მიანიჭა.