Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

ლომჯარია შს მინისტრთან შეხვედრაზე: შევეხეთ ბოლო დროს გახმაურებულ და პრობლემურ ინციდენტებს

12 იანვარი, 2018 16:50

ვიცე-პრემიერმა, შინაგან საქმეთა მინისტრმა, გიორგი გახარიამ და სახალხო დამცველმა, ნინო ლომჯარიამ პირველი სამუშაო შეხვედრა გამართეს. 

შინაგან საქმეთა სამინისტროში ამბობენ, რომ შეხვედრაზე მხარეებმა ადამიანის უფლებების დაცვის, დამოუკიდებელი საგამოძიებო მექანიზმის შექმნისა და სხვა მნიშვნელოვანი საკითხები განიხილეს. გიორგი გახარიამ და ნინო ლომჯარიამ, ასევე, ისაუბრეს სახალხო დამცველის მიერ შინაგან საქმეთა სამინისტროს მიმართ გამოთქმულ რეკომენდაციებზე.

შსს-ის ინფორმაციით, შინაგან საქმეთა მინისტრმა სახალხო დამცველს საპოლიციო სისტემის განვითარების საკუთარი ხედვა და სამინისტროში დაგეგმილი რეფორმები გააცნო.

„საუბარი შეეხო ადამიანის უფლებათა დაცვის ახლად შექმნილ დეპარტამენტსაც, რომლის ძირითადი ფუნქციაა ოჯახში ძალადობის, ქალთა მიმართ ძალადობის, ტრეფიკინგის, დისკრიმინაციული მოტივითა და არასრულწლოვანთა მიერ/მიმართ ჩადენილი დანაშაულების გამოძიების ხარისხის გაუმჯობესება, "- ამბობენ უწყებაში. 

შეხვედრას, ასევე, ესწრებოდნენ შინაგან საქმეთა მინისტრის მოადგილეები - ნათია მეზვრიშვილი და ნინო ჯავახაძე, სახალხო დამცველის მოადგილეები - თამარ გვარამაძე, გიორგი ბურჯანაძე და ეკატერინე სხილაძე.

„მინისტრს ვესაუბრეთ სამომავლო თანამშრომლობის ფორმაზე, ასევე იმ საკითხებზე, რომლებთან მიმართეითაიც ჩვენ მოგვიწევს სამინისტროსთან ურთიერთობა. ჩვენ გამოვკვეთეთ ის საკითხები, ადამიანის უფლებათა დაცვის თვალსაზრისით, რაც პრობლემატურია განსაკუთრებით პოლიციასთან ურთიერთობის დროს. ასევე, შევთავაზეთ ამ პრობლემის მოგვარების სისტემური ხედვა, აქცენტი გავაკეთეთ რეფორმის საჭიროებაზე, ადამიანის უფლებათა სწავლების გაძლიერებაზე, ასევე გამოვთქვით მხარდაჭერა ამ პროცესში სახალხო დამცველის ჩართულობისა და დახმარების სწავლების გაძლიერების თვალსაზრისით. ვისაუბრეთ დამოუკიდებელ საგამოძიებო მექანიზმთან. ნარკოპოლიტიკასთან დაკავშირებით გავცვალეთ ჩვენი პოზიციები და, რა თქმა უნდა, შევეხეთ იმ ცალკეულ ინციდენტებს, რაც ბოლო დროს განსაკუთრებით გახმაურებული და პრობლემატური იყო. დავაფიქსირეთ ასევე ჩვენი პოზიციები და მოვისმინეთ სამინისტროს ხედვა ყველა იმ აქტუალურ საკითხთან დაკავშირებით, რაც ეხება ადამიანის უფლებების დაცვას ჩვენს ქვეყანაში," - აღნიშნა სახალხო დამცველმა, ნინო ლომჯარიამ.

კომენტარები

ამავე რუბრიკაში

25 სექტემბერი
25 სექტემბერი

„რუსთავი 2“ „ომეგა ჯგუფის“ საქმეზე ახალ ...

ტელეკომპანია „რუსთავი 2“ „ომეგა ჯგუფის“ საქმეზე ახალ ჩანაწერებს აქვეყნებს.  ჩანაწერის ...
24 სექტემბერი
24 სექტემბერი

ზალკალიანი: მოგერინის მხრიდან მაღალი შეფ ...

საქართველოს საგარეო საქმეთა მინისტრის დავით ზალკალიანის განცხადებით, პრემიერ-მინისტრსა და ევროკავშირის უმაღლეს წარმომადგ ...
24 სექტემბერი
24 სექტემბერი

სასამართლომ დამნაშავედ ცნო შვილი, რომელი ...

თბილისის საქალაქო  სასამართლომ დედის მიმართ განხორციელებულ იძულების ფაქტზე ბრალდებული დამნაშავედ ცნო.  & ...
^